داگرتني كتيب

ليره‌دا ئه‌تواني كتيبي ئاوينه‌يه‌ك نيگا به شيوه‌ي پي دي ئيف داگري

كتيبي ئاوينه‌يه‌ك نيگا

رووبه‌رگي ئاوينه‌يه‌ك نيگا

شێعر شێوه‌یه‌ک داهێنانه‌

 

(شێعر شێوه‌یه‌ک داهێنانه‌)  

خوێندنه‌وه‌ی چه‌ند شێعری سوله‌يمان ئه‌حمه‌دزاده (سیابه‌خت)

باخستانى به‌هێيي

 

هه‌ى له‌ كۆچى چه‌پكێ په‌مه

واوه‌ مه‌يگێڕ

راوڕاوێني

          هه‌سێره‌ترين تاسه‌مه‌

چه‌پكێ هيوا

          ده‌بزرێت و

                   شينى سووري

                             جووتێ كۆتر

هه‌ڵده‌وه‌رن

          ئه‌سرين

                   خوليا

چه‌م سوور ده‌فڕێ

ئاسمان هه‌ورێكى غه‌واره‌

داده‌ڕێژێ

خه‌مم له ئامێز ده‌گرم و

          چۆكم هه‌نسك

چياى گوڵ ره‌ش

بزه‌ى وه‌ريو

شێعرى زه‌رد

شارى نامۆ

هه‌ڵمده‌چنێ

سۆزى شمشاڵێكى ونبوو

به بارته‌قاي

          حه‌ڵه‌بجه‌دا

شۆڕ ده‌بمه‌وه

نه‌ورۆزى ره‌ش

چياى گوڵ . . .

توانه‌وه‌ ده‌هۆنمه‌وه‌

كۆچستانى ئه‌ندێشه‌مه‌

شارى مه‌لوول

گوندى ژاكاو

رووبارى رۆ

باخستانى به‌هێييمه

ئايه‌تى بێڕه‌نگى گۆنه‌م

له ناخمدا . . .

سه‌فه‌ر

 

له‌ گه‌ڵ هه‌ورێكى نامۆدا

          ده‌ڕۆم

چاوه‌كانم

          دڵدارى پۆلێ گه‌وهه‌رن

ئاى كه چاوم

دڵ

    ره‌وه‌يه‌كه‌ له‌ ژان و

          سه‌رله‌چڕژان

توامه‌وه‌

به‌ر له بوونم

به‌ تاوى كۆچ و

نێزه‌ى با

 

          به‌ره‌و هه‌رێمێكى ...

                             ده‌ڕۆم

به‌ره‌و شوێنێ

مرۆكاني

          شێعر به شمشاڵ بنووسن

                   ژيان به چاو

                             حه‌يران به با

نه‌ ره‌نگى خه‌م بناسن و

                   نه «نيل»ى كۆچ

هاوار

 

شار له ئامێزى دووكه‌ڵا

                   راكــــشـــــاوه

شه‌قامه‌كان

          شه‌كه‌ت

                   شه‌كه‌ت

                             هه‌ڵكورماون

گوێچكه‌ى كۆڵان

پڕه‌‌ له‌ گۆرانى گولله‌ و

                   هاوارى

                             منداڵى ساوا

ئه‌وشه‌و

          چرايه‌ك ناييسێ

نامۆ

 

نامۆم

نامۆ

نامۆتر له‌و چيرۆكانه‌ي

          هه‌تاو

                   بۆ شارى خوێنده‌وه

له‌و بزانه‌ي

          به‌م رۆژگاره‌

                   ره‌نگاڵه‌يه‌كى غه‌واره‌ن

ئاواتم

          پۆله‌ هه‌ورێكه

                   هه‌ر نه‌بێ

دڵۆپه ئاوێك بنووسێ . . .

راڤه‌

 

بۆ هاوڕێ جه‌ماڵ نه‌جاڕي

 

من له كه‌ژاوه‌ى

شۆخێكا

شاخم ناسي

له به‌له‌مى ئه‌وينێكا

بوومه شێعر

له چارداخى هه‌نسكێكا

خه‌مم نووسى و

له ئامێزى دوورييه‌كدا

تامى مه‌رگ

ژيان

له خونچه‌وه ده‌پشكوێ و

له خه‌زاندا

                   ده‌كوژێته‌وه ...

خه‌مى نان

شه‌و بوو

خه‌ڵك

له‌ ژێر شۆقى چراى نيئۆن

يا ـ لانى كه‌م

                   لێفه‌شڕێكا

                             نوستبوون

تووتكێكيش

          له‌ ژێر حه‌ريرى كڕێوه‌ و

له‌ سه‌ر دۆشه‌كى سه‌هۆڵين

بيرى له نان

                   ده‌كرده‌وه

                   له‌ ره‌نگى مان . . .

ره‌نگ

 

هه‌موو جيهانم پشكني

زۆر خۆرم دي

تامى سێبه‌ر

به‌بر

مه‌زه‌ى بێچووه پشيله‌

شێر

بۆنى مشك

ده‌مامك

ره‌نگى مرۆڤ و

شێعر بێ‌ڕه‌نگ